Dous documentais sobre a morte en Galicia

A curtametraxe de Senén Outeiro "Ínsula" e un documentario dos directores Eduardo Maragoto, João Aveledo e Vanessa Vilaverde titulado "Em companhia da morte", foron presentados onte pola Asociación Queremos Galego Marín, dentro da campaña "Co galego até a morte", para promover o uso da lingua de Galicia nos actos fúnebres.

Ambos documentais amosan moitas das tradicións, rituais e figuras, como a Santa Compaña, que rodean a morte en Galicia, e foron proxectados na biblioteca de Marín.

Trátase dunha campaña que Queremos Galego desenvolve ante a celebración do día de defuntos, dado que a morte e as crenzas populares que a rodean "tivo, e seguen a ter, un fondo influxo social en Galiza", explica este colectivo social e cultural.