Cultura
A biblioteca da Deputación de Ourense ultima a catalogación dos 3.000 exemplares dos fondos literarios e documentais de Xesús Alonso Montero
Este traballo técnico servirá para poñer a disposición de profesionais, investigadores e público o arquivo e biblioteca do filólogo, académico da lingua e catedrático, falecido en Vigo o pasado mes de febreiro, con 97 anos
Traballos de catalogación da biblioteca de Alonso Montero. / Alberte Paz
Añádenos en GoogleR. O.
A Deputación de Ourense está a ultimar os traballos técnicos de revisión e catalogación dos arredor de 3.000 exemplares que compoñen a biblioteca persoal do intelectual, catedrático e académico Xesús Alonso Montero —falecido o pasado mes de febreiro en Vigo, aos 97 anos— , xunto co seu arquivo documental, e que logo da súa adquisición permanece custodiada na biblioteca da Deputación ourensá desde 2011.
Entre as últimas vontades do académico galego figuraba que toda a documentación de uso habitual, así como libros da súa propiedade que quedaran no seu despacho, pasarían a formar parte do seu arquivo literario «Alxam», nome que lle deu o propio Xesús Alonso. Tralo seu falecemento, este fondo incrementouse con preto de 500 novos exemplares e carpetas con documentos particulares.
Estes traballos de catalogación servirán para poñer a disposición de profesionais, investigadores e público e xeral a biblioteca do filólogo e catedrático, que constitúe un complemento básico do seu arquivo literario, composto por traballos enfocados no estudo de intelectuais e escritores como Castelao, Rosalía de Castro ou Curros Enríquez, dos que ademais Alonso Montero é autor de varios libros.
A documentación tamén inclúe artigos xornalísticos, textos sobre a súa traxectoria como político e tamén traballos relacionados coa súa etapa de máis de trinta anos como membro da Real Academia Galega, que Alonso Montero presidiu entre os anos 2013 e 2017.
En definitiva, a súa biblioteca e arquivo documental son unha fonte bibliográfica de gran interese para os estudosos da súa obra literaria. As consultas poderán realizarse desde a páxina web da Deputación de Ourense (depourense.gal/gl/biblioteca), clicando a continuación no enlace «O noso catálogo».
Sección reservada a Alonso Montero na biblioteca da Deputación de Ourense. / Alberte Paz
O arquivo persoal de Xesús Alonso Montero incorpórase aos fondos bibliográficos e documentais da Biblioteca da Deputación de Ourense, integrados na actualidade por preto de 60.000 exemplares, con 22 bibliotecas específicas de autores entre os que se atopan Eduardo Blanco-Amor, Ben Cho Shey, Pura de Dora Vázquez, Manuel Albendea, Matilde Lloria, a colección «carlista» de Rego Nieto, ou o fondo máis antigo de carácter local existente sobre Ourense, obra de Benito Fernández Alonso, cronista da provincia de Ourense.
- Adiós al bosque que plantó y cuidó durante décadas Arturo, un vecino de As Lagoas: Adif taló la mayoría de los 50 ejemplares de árboles que era refugio climático y de aves
- Iago Rodríguez, el ourensano que repartió pizzas para pagarse la licencia de piloto y ahora protege los montes gallegos desde el cielo
- El joven ourensano Pablo Freire conquista su segunda medalla de oro consecutiva en la Olimpiada Iberoamericana de Matemática
- Ourense estrena su «Templo Biker»: un espacio para motos y para todos
- Quince adultos, diez días y unas vacaciones hechas a su medida en O Carballiño
- Prisión sin fianza para los cinco detenidos en una operación contra una red de tráfico de drogas en Ourense
- Un amplio operativo busca a Lola una septuagenaria, vecina de Toén, Ourense desaparecida desde el domingo
- Un grupo de encapuchados asalta de madrugada un estanco de O Carballiño y se lleva parte de su mercancía
