O I Certame de Novela Infantil Jaime Olmedo recibe 39 obras

L.F.

O primeiro Certame de Novela Infantil Jaime Olmedo Limeses, promovido pola empresa Avigal de Pontevedra e Antela Editorial, acaba de pechar o prazo de recepción de orixinais cunha participación extraordinaria. Un total de 39 novelas competirán polo premio, que inclúe 3.000 euros así como a publicación da obra gañadora. O certame, deseñado para poñer en valor a cultura galega, as nosas letras e a literatura infantil, confirma o éxito nesta primeira convocatoria. O nome do gañador ou gañadora darase a coñecer a finais de febreiro, e a entrega de premios terá lugar durante a celebración das Letras Galegas deste ano, nun acto que se celebrará na cidade de Pontevedra. Por outra banda, continúa aberto o prazo de entrega para o Concurso de Relato Infantil, dirixido a todo o alumnado galego de Primaria.

Tracking Pixel Contents