O Xurado do XV Premio Clara Campoamor da Igualdade reúnese o luns para o veredicto

O vindeiro luns reúnese no salón de plenos do Concello de Ourense o xurado da 15ª edición do Premio Clara Campoamor á igualdade de oportunidades.

A entrega deste premio será o día 8 de marzo, nun acto que tamén terá lugar no mesmo escenario, o salón de plenos do Concello, con aforo reducido polas restricións sanitarias.

Formarán parte do xurado representantes do Concello, do Centro de Información Municipal á Muller (CIMM), do Colexio de Traballadores Sociais de Galicia, do Consello Municipal de Igualdade e unha persoa socialmente relevante no ámbito da igualdade de oportunidades.

O prazo de presentación de propostas estivo aberto até onte, e a entrega do premio terá lugar o día 8 de marzo, Día Internacional da Muller.

O certame, que organiza a Concellería de Igualdade ten como obxectivo poñer en valor o traballo de institucións, grupos e persoas, de ámbito preferentemente provincial, destacadas na defensa dos dereitos das mulleres e a loita pola igualdade de xénero. Algunos colectivos xa amosaron a súa proposta para a presente edición pero será o xurado o que tome decisión.