Igualdade inexistente

"Escoitar con respeto e atención". Isto, que semella moi sinxelo de facer, non o é para o señor Núñez Feijóo. "Escoitar con respeto e atención" era o que lle pedía a deputada María Pierres ao excelso presidente con respecto á mensaxe que todas as mulleres (e algúns homes) de Galicia lle mandaran o 8 de marzo. Hoxe, tres meses despois da emblemática e significativa data, a situación non mudou en absoluto.

Decisións xudiciais como a da Manada e moitas outras que se dan no país sentencian e lastran as mulleres, facendo que a famosa igualdade promovida polos poderes públicos, que tamén aparece na Constitución como algo a cumprir, se vexa comprometida e, e en ocasións, ata inexistente.

A falta dunha conciliación familiar, a pervivencia duns roles machistas na sociedade, o teito de cristal, a carencia dunha figura feminina como cabeza dun partido relevante, as diferencias salariais, a "obriga" de coidar a familia, e moitos outros etcéteras entorpecen e lapidan os esforzos da metade de España por fragmentar a sociedade machista imperante.

Mais, como xa nos dixo M. Rajoy, "no nos metamos en eso".