O cangués Xavier Gallego escribiu, o 24 de novembro de 2019, este poema tras atoparse coa rúa adicada en Moaña a Cándida Lago e profundizar na súa historia. Onte presentou o poema na Librería Moaña que formará parte dun poemario que está editando. Fai públicas estas verbas o propio 13 de abril, cabodano do asasinato da sindicalista no ano 1931.
Xavier Gallego xa lera esta peza nunha das homenaxes pola memoria histórica de Cangas adicada aos Mártires de Anguieiro, celebrada o pasado verán. O poema titúlase simplemente “A Cándida Lago” e o seu texto é o seguinte:
No esplendor
da túa fermosura.
No entusiasmo da túa xuventude.
Os asasinos da liberdade
quitáronche a vida.
Pero nunca poderán quitarte
do corazón dos teus.
Da memoria de Moaña,
dos campos,
da praia,
do mar, do mencer en Moaña.
Porque ti es
o primeiro raio de sol
que a alumea
O vento ceibe
que eu sentín
na túa rúa
cando souben de ti.
