SUSCRÍBETE

Contenido exclusivo para suscriptores digitales

Xosé Ramón Pena

DE BOLINA

Xosé Ramón Pena

As pregarias de Gates

"Se a pandemia chegase hai cousa de vinte anos, só poderíamos rezar". A sentenza é da autoría de Bill Gates e vén formar parte dunha máis que interesante entrevista -acaso algúns/basantes dos, sempre moi amables, lectores destas crónicas semanais teñan cumprida noticia da mesma- que o célebre magnate norteamericano, co-fundador de Microsoft, lle concedeu ao xornalista científico británico, de orixes malaias, Ed Yong a finais do pasado me de setembro..En efecto considerando o estado dos avances da bioloxía naquela xeira e considerando asemade as infraestrutruas dixitais..., o certo é que, para alén de elevar as nosas pregarias a Deus, Alá, Visnú...,ou quen queira que goberne ao certo nas Alturas, tal semella que pouco teriamos que axeitar. Paciencia e a pandar. Agora ben; este cronista non deixa de coidar que tamén lle cabe o caso, iso si, de que hai vinte anos -ou trinta ou corenta- a pandemia non se convertese sequera en tal. Ou o que resulta o mesmo, e desde o noso egoísmo occidental: que a mesma non chegase onde nós e acabase por formar parte do -infelizmente, amplo- conxunto de desgrazas que só padecen, ou viñan padecendo, os "outros". Ao cabo, cousas da aínda (non) globalización.

Porque non. Non se trata -como propagan os mentores e seareiros de certo (suposto) ecoloxismo naíf, papaleisóns das novas, é un dicir, plataformas para-relixiosas- de que a Pachamama dos Andes, a deusa primixenia Gaia ou os seres máxicos que habitan para alén do ombro de Orión e/ou da Porta de Tannhäuser nos estean a enviar un xemido, un recado..., calquera sorte de advertencia apocalíptica. E tal cousa, simplemente, porque a Natureza non é máis que Natureza: as pandemias, como os tsunamis, os volcáns, os furacáns... (pero tamén un solpor nas Cíes, a harmonía dunha noite de verán sobre as yucas do deserto de Mojave ou o brillo do luar por enriba dos cumes do Atlas) forman parte dela, iso é todo. De feito, tan só a arrogancia ignorante pode descoñecer/esquecer que a historia dos seres humanos devén, en realidade e como Marx ben nos deprendeu, a procura arreo por transformamos a natureza en beneficio propio.Unha transformación, iso tamén, que non significa en ningún caso explotación irracional, depredación dos recursos a calquera prezo, pura e dura creación destrutiva. Ao cabo, e como escribe, da súa parte, o filósofo de ciencia política John Gray, si que o mundo burgués está destruído ou ameaza coa súa ruína. Mais non foron os seguidores de Marx, nin sequera o propio comunismo, quen cometese tal asasinato. En realidade, o culpable do mesmo chámase capitalismo. Máis concretamente, cabe engadir, capitalismo neo-liberal. Ou traducido agora ao que nos ocupa: a pandemia -isto é, a conformación da mesma- non é produto da globalización, pero si que ten moito que ver como se fixo (e continúa a efectuarse) a globalización.

Polo demais, de lermos atentamente a entrevista referida, vén ser o mesmo Gates quen sinala a nula preparación, a egolatría suicida dos países ricos -"aquí non vai chegar ese virus, iso é cousa dos chineses e limítrofes"-, a autocompracencia, a crecente inequidade (a distancia social non se mide en metros senón en miles de euros, dólares..., contemplen Vdes. Madrid ou Nova York), a insolidariedade... como causantes directos da desfeita que nos aflixe. Vertido agora ao noso roman paladino: estarmos en mans dunhas elites delincuentes e criminais, que se adoran a si mesmas e que, en consecuencia, desprezan todo aquilo que soe a colectivo, a res publica, a humanismo.

Desde logo, descoñezo se Gates está ao tanto da realidade española. Pero estou ben certo que, de resultar así, e contemplando a mesquindade, as desputas ruíns, a absoluta falta dunha mínima lealdade entre (suposts) irmáns..., talvez chegase á conclusión de que, como hai cousa de vinte anos, tal semella que só nos reste rezar.

Para continuar leyendo, suscríbete al acceso de contenidos web

¿Ya eres suscriptor? Inicia sesión aquí

Y para los que quieren más, nuestras otras opciones de suscripción

Compartir el artículo

stats