Os convidados a deshora para a estrea da piscina

Nestes actos nunca están todos os que se agardan nin se agardan todos os que acuden. Entre os segundos, a algúns correlixionarios do PP chamoulles moito a atención a presencia do exconcelleiro José Luis Gestido, que xa non milita nas filas de Sotelo pero aproveitou para facerse ver e estreitar mans cos deportistas olímpicos e outros cidadáns menos laureados. Entre os que non estaban, os representantes dos grupos de oposición, algúns dos cales queixáronse de non seren convocados en tempo e forma. ¿E que foi de Nardo? Hai versións para todos os gustos, e non faltan os que aludan aos celos por atopar competencia institucional ao seu negocio privado.

Sen póliza de seguro non hai procesión

A procesión do Domingo de Ramos entre a capela de Sanamedio e a igrexa de Santa María empezaba a converterse en tradición, pero os problemas loxísticos, coa imposibilidade de acudiren a Policía Local e Protección Civil, obrigaba á Igrexa a contratar unha póliza de seguro para cubrir posibles accidentes durante o percorrido. Así que optouse por acortar o traxecto e recuperar o hábito o próximo ano, a ver se xa con protección institucional.

Suscríbete para seguir leyendo