Logo de suspenderse en 2020 con motivo das restricións da pandemia, a cita co cine submarino, que este ano cumpre 30 edicións, volve a Vigo da man da Vicerreitoría de Captación de Alumnado, Estudantes e de Extensión Universitaria.
O ciclo celebrarase do 17 ao 19 de novembro con sesións a partir das 20.00 horas e
entrada libre ata completar aforamento. O evento submarino aposta de novo pola
divulgación científica arredor do mar, os obxectivos da Axenda 2030, e para servir de
foro de debate e achegar o mundo mariño entre os máis novos.
O ciclo contará, como en edicións anteriores, coa proxección dalgunhas das mellores
producións mundiais de cine submarino así como cun debate posterior no que
participarán destacados investigadores, documentalistas e divulgadores mariños.
Todas as sesións adaptaranse ao protocolo sanitario vixente. A XXX Semana de Cine
Submarino de Vigo está organizada pola Universidade de Vigo e conta coa
colaboración de Afundación a través de IESIDE.
