Banda de rock formada por músicos de Sarria (Lugo), nacida en xuño do 2020. O seu repertorio componse maioritariamente de temas propios que reciben influencias desde o soft rock ata o rock psicodélico e o rock progresivo. Nos seus concertos inclúen versións dos grandes expoñentes musicais das décadas dos 60 en adiante, como Janis Joplin, Jimi Hendrix e Eric Clapton. Ao forte carácter da selección musical, súmanse os ritmos do funky e do hard rock, que deixan a pegada máis singular nas súas cancións.

Tocaron en festivais como o Festival Noroeste e A Verbena, en concertos de festas como o San Froilán e en salas históricas como o Clavicémbalo de Lugo; acompañados no cartel de bandas como Los Deltonos, Aurora and the Bretayers ou The Soul Jacket.

Na actualidade atópanse gravando en estudo dous dos seus temas propios: Burn Sister e Wild Life, o que esperan que sexa a antesalda do seu primeiro disco.