A Real Filharmonía de Galicia ofrece un concerto con obras de Gubaidulina, Shostakovich e Rachmaninov.

A Real Filharmonía de Galicia retoma a súa programación de temporada 'Escoitar o Mundo' cun dobre concerto que levará por título 'Inspiración' e terá espírito ruso.

As citas serán o mércores 23 ás 20h no Teatro Afundación de Vigo e o xoves 24 no Auditorio de Galicia de Santiago ás 20.30h.

Nesta ocasión, o programa estará dirixido polo mestre Paul Daniel, director titular da Real Filharmonía de Galicia, co Poema de conto de fadas de Sofía Gubaidulina xunto coa novena sinfonía de Shostakovich e o terceiro concerto para piano de Rachmaninov, que será interpretado polo pianista Denis Kozukhin.

Denis Kozukhin

O concerto, no que levará a batuta o director titular da orquestra, Paul Daniel, contará do pianista Denis Kozukhin, quen foi o gañador do Primeiro Premio do Concurso Raíña Elisabeth de Bruxelas en 2010 e está consolidado coma un dos mellores pianistas da súa xeración.

Kozukhin colabora frecuentemente con orquestras internacionais de toda Europa e dos Estados Unidos e na actual temporada colabora coa Orquestra Nacional de Dinamarca, a NDR Radiophilharmonie, a Sinfónica da Radio de Viena, a BBC Scottish Symphony, a Orquestra Gulbenkian, a Sinfónica Nacional de Bélxica, a

Sinfónica de Indiana polis e a Filharmonica de Istambul, entre outras.