Presenta: Cristina Fernández González
Invitado: Ricardo Beiras
(Catedrático en Ecoloxía UVIGO)
O 99% do plástico que debería estar flotando nos océanos non se atopa. Aínda contando o plástico que chega ás praias ou queda atrapado no xeo do Ártico millóns de toneladas desapareceron. A meirande parte do plástico descomponse en diminutas partículas invisibles para o ollo humano. Nesta investigación, os científicos embárcanse na procura dos microplásticos. Pequenos, e na súa maioría tóxicos, albergan un novo ecosistema: a plastisfera. Pero, onde están? Foron inxeridos? Están sepultados no fondo do océano? Degradados por bacterias? Cal é o impacto da súa entrada na cadea alimenticia?
