GREENWATER é unha banda formada por músicos vigueses amplamente rodados noutras bandas que decidiron axuntar a súa experiencia e gustos musicais para conseguir un son limpo e puramente americano, creando un autentico Revival da mítica banda de rock CreedenceClearwater Revival.
Para iso contan con Paco Araújo (batería e voz), Alberto Lopo (baixo e voz), David A. F. Lemos (guitarra solista) e David Seco (voz solista e guitarra) cuxa forza vocal e acompañada polos impresionantes coros de Lopo e Araujo lembra ao mítico líder da Creedence John Fogerty.
Sen dúbida logran envolver coa súa calidade de directo a quen os ve, trasladándoos aos mellores días da banda americana, tocando cancións tan míticas como Have You Ever Seen the Rain, Proud Mary, Born on the Bayou, Fortunate Son, Susie Q ou Travelling Band entre moitas outras. É por iso que goza do mellor recoñecemento que o público lles pode brindar, demostrando un hasistencia ampla e crecente desde o primeiro día.
Greenwater cos seus directos realmente consegue facer brotar as sementes plantadas pola Creedence dunha influencia case universal sobre o mundo do rock, cun estilo musical que combina o rock and roll con outros xéneros tales como o blues, o gospel, o country e o swamp rock.
