Idades recomendada: + 12 anos

Duración: 80 min

Entradas para "ELISA E MARCELA – A PANADARÍA" o venres 26, sábado 27 e domingo 28 de marzo de 2021 na sala Ártika de Vigo.

Ano 1901, A Coruña. Dúas mulleres casan na igrexa de San Xurxo, unha delas vestida de home. Unha historia de persecucións policiais, fuxidas en dilixencias, cambios de identidade e informacións manipuladas. As cómicas de A Panadaría presentan unha reconstrución irreverente e dun suceso real. Unha comedia musical onde o verídico parece invento. Elisa e Marcela é unha historia de amor a contratempo.

Coprodución de A Panadaría co CDG, Concello e Deputación de A Coruña, Concello de Vimianzo e Concello de Rianxo.

Mellor espectáculo nos Premios María Casares 2018 e tamén mellor dirección, mellor texto orixinal e mellor actriz protagonista (Areta Bolado) nos mesmos premios. Premio Luísa Villalta para iniciativas culturais pola igualdade. XIV Premio LGTB Marcela y Elisa entregado polo Colectivo Alas A Coruña. Premio do público MIT de Ribadavia 2018 e Fetega de Carballiño 2018. Premio ex aequo a Mejor actriz (Areta Bolado, Noelia Castro e Ailén Kendelman) no Fetega 2018.