AV pide falar co IGVS e a Sareb para recuperar as viviendas de A Regueira

Alternativa dos Veciños (AV) vén de solicitar formalmente unha reunión coa Sareb e co Instituto Galego da Vivenda e Solo (IGVS) para «explorar vías» que permitan incorporar as vivendas da Regueira ao parque público de alugueiro. Esta iniciativa prodúcese tras saber que a subasta destas vivendas quedou deserta e os inmobles seguen en mans da Sareb. Para AV, esta situación «abre unha oportunidade que o Concello de Cangas non pode permitir perder», e lembran que leva anos traballando nesta liña, pois en 2022 presentaron un Plan de Vivenda no que se contemplaba a recuperación da urbanización da Regueira como unha bolsa de vivenda accesible para mocidade e familias. En marzo de 2024, insistiron nesta necesidade mediante unha moción plenaria, que se reiterou en 2026 co apoio da veciñanza.

«Non estamos ante unha proposta nova, senón ante unha oportunidade real de levar á práctica o traballo que vimos defendendo desde hai anos”, sinala a edila Victoria Portas. Di que Cangas sofre dificultade de acceso á vivenda, un mercado de alugueiro tensionado e prezos que dificultan a emancipación e a permanencia da veciñanza no municipio. Consideran que as vivendas da Regueira, inacabadas, «poden converterse nun recurso clave para crear unha bolsa municipal de alugueiro accesible».