En plena vendimia, este 29 de setembro Euloxio López Gutiérrez cumpriu 75 anos. Parabéns e moita saúde!
[Chillón evoca a despedida profesional de Euloxio e Marisol. Castelo de Soutomaior, 22 de xuño de 2007].
Romance dos Condes de Amandi. Castelo de Soutomaior
Vestimenta medieval
Señorío de Mourentán / De Guntín, marquesado
Alta liñaxe de San Roque/ De Montecarrasco, condado.
Augas das Ribeiras do Sil/ xúntanse coas ondas da Ría,
mestura doce e salgada / sinais de nobreza e valentía
As Señoras da Cadeira e Darbo / celebran festa o mesmo día
Acuden freguesías e feirantes / O 8 de setembro en Romaría
Damas e Cabaleiros de Lemos / de Meixón Frío e Campolameiro,
De Monterrei, Casa dos Ulloa / de Burela e Darabelo
Do Camiño Vello, de Balea / de Serra Nacente e do Outeiro
Da do Medio e Areamilla / do Cunchido e de Piñeiro
Xentes de toda clase e condición / chegadas dos recunchos de Galiza
Baixa Nobreza, Campesiñado / en nova Revolta Irmandiña
Amantes do bo vivir e beber / Namorados do suculento yantar
Aprezados por ler e saber / Doctos en cantar e danzar
Oficia a mocidade de Cangas / trovar con segreis e soldadeiras
Danzas de Forcarei e de Darbo / beilando xotas e muiñeiras
Amigas, amigos, compañeiros / A todas e todos saúdo de benvida
A este recoñecemento profisional / En grande festa merecida
Chegan apertas e mensaxes / a este acto de confraternidade
Xentes que non poden estar aquí / mais sí os seus corazón e amizade
Que viva la palma / Que viva la flor!
Que viva Pedro Madruga / Conde de Soutomaior!
Estando o Conde de Camiña / por Castela en montería
Ballesteiro ben disposto / De faisáns a cacería
Chegadas lle son as novas / do seu feudo de Galiza
Hai que acudir canto antes a unha sinalada despedida
Ordena ao palafraneiro / Que dispoñan a partida
Cabalgan toda a noite / Non hai mostra de fatiga
Non teman vuessas mercedes / Chegaremos moi axiña
Os cabalos son veloces / só quedan unhas cantas millas
Xa está moi perto o castelo / onde faremos dormida
Con fartura yantaremos / Beberemos un sabroso mencía
Na grande torre de homenaxe / reúnese clase experta e sabia
A proposta que está a estudo / é de moi grande relevancia
Este magno Consello de Sabios / Toda xente ben sabida
Adiviños, nigromantes / Van acordar esta medida
Por ser exemplos de traballo e entrega / De compañeirismo e amizade
San Roque e Montecarrasco / máis de trinta anos de profesionalidade
Polo labor docente desenvolvido / pola súa múltiple inquedanza
Concédesen os prezados títulos / De Mestra e Mestre desta praza
Entrega de pergámeo e coroación
Saiban todos cantos isto ouvíren / estando a venres, sexta feira,
a vintedous días do mes andado / vísporas da noite sanxoaneira
De dous mil e sete anos / do nacemento do nosso Señor
Ut Asinamos a esta presente / no solemne castelo de Soutomaior
Pola súas artes e sapientias / Polas súas grandezas e honor
Nomeamos Condes de Amandi / aos mestres Euloxio e Marisol.
So pena das vossas mercedes / quen contraviñere do que dicides
estará baixo a ira de Deus / e multa de mil maravedíes.
Asemade dunha vez poñamos / o noso selo de cera pendente
Vaiamos rematando o romance / para non aburrir mais á xente
Nas rúas de Santiago e Lugo / Nas ribeiras do Sil e da nosa Ría
En Darbo, en todo o Morrazo / A Santa Irmandade erguida
Levantemos todos as copas / Brindemos con rico mencía
Cantemos moi forte e alto / Todas e todos esta consigna:
Que viva la palma / Que viva la flor!
Vivan os Condes de Amandi / Vivan Euloxio e Marisol!
*Exconcelleiro do BNG no Concello de Cangas
