Tras un ano de pandemia, que a propiedade adicou a reformar moi a fondo, regresa un clásico do bo comer en Moaña e no Morrazo: “Pradoviejo”, agora todo xunto, reabriu as súas portas. Son tempos de celebrar.
Unha lembranza no día do santo e aniversario do benquerido alcalde
Onte foi a festividade de San Xosé e tamén Día do Pai. Un día coma o de onte debería ser motivo de celebración para o noso benquerido e chorado alcalde Xosé Manuel Pazos. Era o día do seu santo, tamén era pai e ademais tería cumprido 64 anos. Unha data na que moitos volveron a lembrarse da súa figura, como os seus compañeiros de Esquerda Unida, ou os concelleiros do grupo municipal dp PSOE de Cangas, que formaron parte do último goberno que presidiu. A ausencia de Xosé Manuel Pazos, amais de ser triste e dolorosa, é grande. Moi grande. Un sinal inequívoco da súa grandeza como político, como home da cultura e, sobre todo, como persoa.
