A Banda de Gaitas Manxadoira de Bueu celebra hoxe unha nova edición do seu Festival da Alborada, unha cita que tradicionalmente sempre se celebra a finais do mes de xullo. A actuación será no escenario ubicado na Praza Massó, ao aire libre.

A formación invitada este ano para participar neste festival de Manxadoira será Tres por Catro Folk. As actuacións darán comezo a partir das 22.00 horas. Con este festival a banda bueuesa celebra o seu aniversario, unha traxectoria que comezou no ano 1993.