O Colexio Montemogos de Bueu acolleu onte, pola 27ª Semana Cultural e letras Galegas, a visita da Banda de Gaitas Manxadoira, gracias á colaboración dalgúns membros da agrupación que son familiares do alumnado. O director marcos Campos presentou os instrumentos da música tradicional galega e os distintos compoñentes da banda amosaron ao alumnado de Infantil e Primaria como se toca cada un destes, desde a zanfona, o pandeiro, a gaita ata as pandeiretas ou as culleres. A banda foi agasallada cunha Belusiña de cerámica, a mascota da biblioteca do colexio.