Ánxeles Cuña naceu en Pontevedra o 16 de febreiro de 1957. Licenciouse en Ciencias da Educación pola Universidade de Santiago de Compostela e cursou estudos de Pedagoxía Teatral na Escola de Expresión de Barcelona. Pero a súa vida profesional como dramaturga está ligada a Ourense e, máis en concreto, a Sarabela Teatro. Este ano, a compañía que dirixe cumpre 25 anos de dedicación ao teatro contemporáneo e ao fomento das artes escénicas tanto na Universidade como nas rúas. O vindeiro 15 de outubro, Cuña despedirase da compañía coa posta en escena de O heroe, de Manuel Rivas.