13 de enero de 2006
13.01.2006
"CANDO SE VULGARIZA A POLÍTICA FÁLASE DE "KARAOKIZACIÓN""
 

Xosé María Gómez Clemente, Autor do Diccionario de Neoloxismos Galegos: "Os seguidores do rock duro en Galicia son `hevycheiros'"

13.01.2006 | 01:00
Gómez Clemente, no campus universitario. / puga

"Cada ano aparecen preto de 2.000 palabras novas", conta o profesor.

A globalización e Internet impulsaron a chegada masiva de novas palabras á lingua. Xosé María Gómez Clemente, profesor de Filoloxía Galega na Universidade de Vigo, é un dos autores do primeiro Diccionario de Neoloxismos Galegos, que inclúe unha escolma de 1.200 termos das ducias de milleiros que leva recollidos o Observatorio de Neoloxía Léxica da UVI nos seus sete anos de vida. Neste volume pioneiro pódense atopar palabras como mancontro, picadiscos, e-correo, bioterror, ciberserie...
- ¿Que outros termos curiosos podemos descubrir?
- Pois por exemplo, cando se vulgariza a política fálase de karaokización, e os seguidores do rock duro en Galicia son hevycheiros. O noxonauta está obrigado a usar as novas tecnoloxías aínda que está en contra, o filoeuro é amante desta moeda, e a desgonzalización, o proceso polo que o PSOE abandona o pensamento de Felipe González.
- ¿Son autóctonos?
- Si, todos eles. Igual que o paifoquismo, de paifoco (pailán); a minicentralización, o proceso de crear minicentrais nos ríos; ou outro curioso de autor, o bushismo, que significa parvada. Neste apartado temos tamén corruptodemocracia e impaís, referido a un país que non é recoñecido como tal.
- O ámbito da informática tamén dará cancha.
- Si. Aí temos, por exemplo, ó blogeiro, autor dun diario ou vitácora en Internet; portatextos, un aparello para visualizar textos; chatrevista, unha revista electrónica; ou cibervoluntariado, referido ás persoas que se ofrecen a cooperar en proxectos a través da rede, entreo moitos outros.
- ¿Cantos neoloxismos aparecen cada ano en galego?
- Preto de 2.000.
- ¿É o galego unha lingua activa e rica na creación de novas palabras?
- O nivel é relativamente alto, pero aínda que hai moita creación interna, o número de préstamos é elevado, e falla o procedemento de sustitución por creacións autóctonas.
- Hai un antes e un despois de Internet.
- Antes o uso do galego era literario e periodístico cun control normativo grande. Internet é o mundo da liberdade, e iso ten cousas boas e malas. Hai moito castelanismo, e entran palabras referidas a novos conceptos que o galego rapidamente adapta. Esa aceptación débese controlar un pouco.
- ¿Dase unha invasión de castelanismos e de léxico anglosaxón?
- Falta un criterio. Non hai que rexeitar os préstamos, pero a Real Academia Galega ten que dicir se un neoloxismo debe aceptarse, adaptarse ou substituirse. É moi importante que haxa unha guía.
- ¿Hai unha excesiva lentitude da Real Academia á hora de responder ós retos que plantexan os neoloxismos?
- Si. A Real Academia é indispensable. O goberno, e incluso o financiamento privado, debería apoiala para que se acabe modernizando. A min dame envexa como está a Real Academia de la Lengua Española, que agora é unha institución punteira. A RAG debe estar continuamente observando o uso do galego, que está tendo problemas de calidade.

Compartir en Twitter
Compartir en Facebook

Noticias relacionadas

Finalizou o Concuro Illas Cíes no que os nenos e nenas de Vigo traballaron para contar como ven eles as Illas Cíes

En estas fiestas, sobran los motivos para beber elaboraciones de vino gallego. En 2018, Galicia firmó la segunda mejor cosecha de su historiay nuestras bodegas despiden el año con un buen balance en todos los sectores