«Este momento é unha cousa que estivo no imaxinario de Fillas desde que naceu»

Fillas de Cassandra debutou este domingo na última canción de Castrelos, dentro do festival FNAC Live Vigo. O dueto vigués formado por Sara Faro e María Soa declaraba que subirse ao escenario do emblemático auditorio da cidade olívica era o «soño» da súa vida. Minutos antes de cumprilo, as artistas falaron con FARO sobre o que significaba este concerto para elas e cal eran as súas sensacións.

Que significa para vostedes actuar por primeira vez en Castrelos?

Sara Faro: Imaxínate, é un soño vital.

María Soa: Ademais, estamos aquí ao lado do parque que nos viu crecer, no que xogamos tantas veces e onde estivemos escoitando tantos concertos e, de repente, hoxe tocamos.

Imaxináronse algunha vez este momento?

S: Si. A verdade que este momento é unha cousa que estivo no imaxinario de Fillas desde que naceu e que hoxe se volve tanxíbel.

M: Dende logo que si.

O concerto vai estar adicado ao meu pai, que xa non está. Vai ser moi especial

María Soa

— Vocalista de Fillas de Cassandra

María, vostede comentaba que dende nena viña a Castrelos coa súa familia e amizades. Que lembranzas gardan deste emblemático auditorio de Vigo?

M: Eu lembro estar coas miñas amigas agardando na fila para ver dende OT1 ata Juanes e grupos mais de agora, a todos. Daba igual o grupo, en realidade era vir a Castrelos coa túa familia e coas túas amigas para disfrutar do espazo e da túa cidade.

S: Era como o check de que estabamos en verán e de que era o momento da música.

Así viviron Fillas de Cassandra o seu primeiro concerto en Castrelos

Como foi preparar este concerto tan sinalado?

M: Temos muitos concertos e sabiamos que este era mui especial, aínda que a Tertulia de por si xa é moi especial. Levamos un par de semanas a tope para preparar esto.

Como se sentiron na proba de son?

S: Foi dificil ata o ultimo momento.

M: Ata hai cinco minutos aínda cambiamos algunha cousa. Queres que estean todas as cancións, así que oxalá unha segunda vez, pero con todas as horas posibles para facer aquí o que queiramos.

Acabaremos de asimilalo de todo unha vez baixemos e digamos: «aconteceu, agora si»

Sara Faro

— Vocalista de Fillas de Cassandra

Está acontecendo todo a gran velocidade.

M: Estamos moi apuradas. A min non me deu tempo nin de saludar a Sara case.

S: Real, chegaches e eu: «María, monta o bombo!».

M: Ao final hoxe somos tres grupos. É unha pasada poder compartir con Eladio e The Rapants, pero claro, eso fai que vaiamos a toda pastilla.

Os seus familiares e amigos van estar aquí para acompañarvos nesta data tan especial. A piques de saír ao escenario, que sensacións teñen?

S: Estamos moi emocionadas de que poidan estar aqui con nós compartindo este momento.

M: Si, ver a todas as amigas que sabemos que van a estar, as avoas, a nai... Non podían faltar. Vai estar adicado ao meu pai, que xa non está. Vai ser moi especial porque van estar dalgún xeito todas.

Están nerviosas?

M: Eu na hora da siesta palpitaba, pero despois xa estás aquí e dis «vamos para diante».

S: Si, sobre todo despois de comer, pero xa está controlado.

Xa asimilaron que van actuar hoxe en Castrelos?

S: Eres consciente unha vez que estás facendo a proba, pero acabaremos de asimilalo de todo unha vez baixemos e digamos: «aconteceu, agora si».

Cal é o momento que esperan con máis ansia?

S: Eu creo que a saída, en canto comece o concerto.

M: Eu creo que o final. É ese momento como agridoce de que se está rematando, pero xa estás como na casa enriba do escenario. Apetéceme moito.

Suscríbete para seguir leyendo