A pegada de Begoña Caamaño nas rúas de Vigo
O BNG organizou un percorrido para medio centenar de persoas por algúns dos sitios máis salientables na vida da escritora
Marta G. Brea
Añádenos en Google
Nas vésperas do Día das Letras Galegas, o vindeiro 17 de maio, xa hai toda unha serie de propostas para lembrar a figura de Begoña Caamaño, xornalista e escritora viguesa.
A cidade está repleta de información sobre ela, sobre todo os barrios do Calvario e Coia. O BNG xa realizou dúas mesas redondas: unha adicada ao feminismo que profesaba e outra á súa loita polo dereito á información. Esta mañá foi o percorrido polo Calvario e de aquí a dous días será na zona de Coia. O ciclo pecharase o 5 de xuño cunha mesa redonda.
O escritor, profesor e crítico literario Ramón Nicolás Rodríguez foi o encargado de guiar o medio centenar de asistentes, sempre acompañado por Bea Caamaño, irmá da homenaxeada. A ruta partiu da libraría Cartabón e pasou por A Cultural, onde a escritora ía a baile de pequena. O guía aproveitou salientar o seu carácter asociacionista.
Unha pausa fronte á antiga casa da escritoria. / Marta G. Brea
O terceiro punto foi un dos máis emotivos. A pausa fíxose fronte á antiga casa (agora cuberta por unha fachada cun mural) da familia Caamaño. Na década dos 60 construíronse en Vigo viais como o da avenida de Samil e planificáronse outros como o de Jenaro de la Fuente, que une Travesía coa rúa Aragón. A zona, repleta de pequenas casas e campos, foi desaparecendo tal e como se concibía. A irmá lembrou emocionada a súa infancia no campo e, mentres o contaba, apareceron dous familiares que continúan habitando a zona a pesar das novas edificacións.
Desde alí fíxose unha parada no Edificio Bandeira e despois cruzouse a praza de Abastos e a rúa do Cristo ata chegar ao IES Castelao. A travesía continuou pola igrexa dos Picos, a Casa dos Agrarios e foi finalizando no edificio do Concello de Lavadores (Pardavila) e na fábrica La Cristina (Barreiro).
O seu nome nunha praza
Desde o Bloque trasladaron ao Goberno municipal a proposta de nomear como praza Begoña Caamaño a confluencia das rúas Aragón, Jenaro de la Fuente e avenida do Aeroporto, como testemuño da súa pegada no corazón do Calvario. “Na cidade hai apenas 40 rúas con nomes de muller fronte ás case 300 dedicadas a figuras masculinas”, subliñaron desde a agrupación.
Suscríbete para seguir leyendo
- Una boda de altura, mucho baile, visita a Urgencias y una luna de miel sobre ruedas
- Un vigués pide el indulto para su hermana, condenada en A Lama a seis años de prisión y diagnosticada de TEA tras los hechos
- La Comisión Europea denuncia a España por no depurar las aguas residuales: en Galicia pone el foco en seis localidades
- La familia de una joven que sufrió un traumatismo craneoencefálico grave reclama al Sergas ampliar la rehabilitación
- Luz verde al inicio de la revolución para la Praza de España de Vigo: el Concello aprueba la primera licencia del ámbito
- Giro del Supremo con los proyectos eólicos paralizados: el tribunal ya no garantiza el derecho a conectarse a la red
- Así será el futuro hotel balneario de As Caldas, con categoría 5 estrellas, vistas al Miño, servicios de salud termal, ocio y restauración
- Se abre uno de los carriles de la AP-9 en Mos donde volcó un camión cisterna con 32.000 litros de gasóleo
