19 de marzo de 2020
19.03.2020
In memoriam // Pepe "xeito"

O exemplo do mellor Cachamuiña

19.03.2020 | 01:22
Xose García López. // FdV

Tiven o pracer de coñecer a Pepe fai algo mais de 20 anos. Pouco a pouco fun descubrindo a aquel mozo de Canido que pasara pola emigración en Holanda e que voltara para a terra, montando unha froitaría que chegou a ter sucursais.
No ano 2000 comezou a súa andadura na AVC Casco Vello, representando a Cachamuiña na festa da Reconquista, daquela un evento duns centos de persoas. De ahí ven o seu alcume no barrio: "Pepe Cachas". Participo u en todas e cada unha das actividades que levamos adiante naqueles anos (Entroido, Rancho de Reis, Maios, Cacharelas, etc). Lembro especialmente a primeira vez que lle prestei o meu traxe para que pudera saír de merdeiro no Entroido, cuestión que fixo ata que o corpo lle deixou.
Home, pai e avó, presumindo sempre da súa descendencia (sobor de todo das e dos netos), era amigo dos amigos, amigo da conversa, un home loitador e traballador, comprometido ata o último alento, implicado en todas as boas causas, na recuperación e mantemento das nosas tradicións, co idioma, coa música, co canto ou co baile, por citar só algúns exemplos.
As portas dunha Reconquista, deixanos o que mais anos representou a Cachamuiña. Sen dubida algunha a partir de agora non será o mesmo. Unha aperta moi grande a familia. Sempre estará no noso recordo para seguir o seu exemplo.

*Portavoz da Asociación de Veciños do Casco Vello

Compartir en Twitter
Compartir en Facebook

Galicia en Vinos

La información de tu comarca

Consulta aquí el nuevo suplemento de FARO con la información más cercana de Condado-Paradanta, Louriña, Baixo Miño, Val Miñor, Redondela.



FaroEduca