Unha profesora da Universidade da Coruña usa un tradutor automático para corrixir un traballo en galego

Edificio da Universidade da Coruña (arquivo) / Víctor Echave
Unha profesora da Universidade da Coruña vén de recoñecer que utiliza o tradutor automático Google Translate para corrixir os traballos en lingua galega que lle presenta o alumnado. A situación foi denunciada en Twitter por un estudante, que compartiu a resposta, en castelán, que a docente lle remitiu por correo electrónico: "No puedo corregir la redacción en gallego, como ya te habrás imaginado. Los textos que no entiendo los traduzco en google, valoraré la redacción según el texto que me de (sic)". A ferramenta do xigante tecnolóxico non destaca por facer unhas traducións de calidade académica, precisamente.
O alumno, Antonio Cendán, amosouse indignado e aproveitou para denunciar a situación do galego na universidade pública. Asegurou ademais que outra compañeira recibiu unha resposta semellante. Ante a enorme repercusión acadada polo seu chío, a Universidade da Coruña respondeulle desde a súa conta oficial con dúas mensaxes, nas que pide desculpas e afirma que "está tomando xa medidas para evitar situacións de discriminación e desprezo pola nosa lingua". A institución asegura que se trata dunha "manifestación persoal dunha docente, non representa a postura oficial da UDC, que traballa arreo por unha universidade pública, galega e feminista".
En todo caso, moitos usuarios da plataforma animan a Antonio Cendán a presentar unha denuncia, posto que lle asiste o dereito a empregar o galego no ámbito académico. Tamén dende o ámbito político, a líder do BNG, Ana Pontón, amosou a súa indignación.
- La segunda salida de tono del conselleiro de Sanidade: cuestiona la importancia que se le da a la salud
- La Xunta teme que la FP se devalúe al facilitar el acceso y no permitirá que sea «un coladero»
- Galicia compite con Madrid con sueldos de 55.000 euros para médicos de familia
- El tirón del empleo público: 18.300 gallegos más en las listas en un año
- El TSXG ve inconstitucional una norma de la Xunta que «vulnera la igualdad tributaria»
- El profesorado también urge la desconexión digital: mensajes sí, pero con límites
- La falta de fondos para la ayuda a domicilio reduce en 2.000 los beneficiarios en dos años
- «La caza no es la solución al jabalí; se pueden usar repelentes o esterilizar»