| Principal trazo do seu carácter? Humildemente, a paixón.
| Que cualidade aprecia máis nas persoas? Curiosamente, o equilibrio.
| Que espera dos amigos? Vou citar unha estrofa dunha canción dos Fabulosos Cadillacs que se chama Yo no me sentaría en tu mesa: "Está lloviendo / pero yo no me voy a mojar / mis amigos me cubren / cuando voy a llorar".
| O seu principal defecto? Unha certa impaciencia.
| A súa principal virtude? A vontade conciliadora.
| Ocupación preferida? Camiñar na montaña.
| Idea da felicidade? Camiñar na montaña coa xente que máis quero.
| Cal sería a súa maior desgraza? A perda dun ser querido.
| Se non se dedicase á política, que faría? O que fixen toda a vida: traballar para vivir e tratar de vivir unha vida en calma rodeado da miña familia.
| Unha novela que sempre volve reler. Porca terra, de John Berger.
| O mellor consello que lle dará ao seu fillo/a? Que intenten ser felices e xerar felicidade ao seu redor.
| Un heroe/heroína de ficción? Calquer antihéroe: Thomans Müntzer, por exemplo, o líder da revolta anabaptista.
| E un heroe real? Pepe Mújica.
| Que hábito alleo non atura? A mala educación.
| Unha manía súa da que non se libra? Non consigo nunca deitarme cedo.
| Ten un lema? Non, pero emprego moito dúas frases: Mai interrompere il flusso creativo ("Nunca detengas el flujo creativo", do movemento político estudiantil do 77 en Bologna) e Omnia sunt communia, que poderíamos traducir como "Todo é do común".
| Que plataforma de pago (Netflix, HB0, ?) ten na casa? Netflix e Filmin.
| A última serie de tv que o enganchou? Baron Noir, unha serie sobre a política e a condición humana.
| A última película que foi ver ao cine? Creo que foi O que arde, de Oliver Laxe, ou Longa Noite, de Eloy Enciso, non recordo cal das dúias foi a última.
| O concerto que nunca esquecerá? Son dous. Negu Gorriak, na Sala Óxido en Vigo, e Mano Negra no Playa Club de A Coruña.
| Con que político da oposición iría tomar un café para falar, pero non de política? Mellor de cañas. Unha caña con Ana Pastor.
| Que político que non é do seu partido lle parece admirable? Xosé Manuel Beiras.
| Algunha vez se arrepentiu de algo dito durante una liorta política? Cando? Ata o de agora nunca me teño arrepentido de nada do que dixen ou fixen en política.
| Se tivese que desfacer algunha decisión política, cal sería? A reforma do artigo 135 da Constitución executada en tempos do bipartidismo, que subvertiu os valores sociais da Constitución e puxo os intereses das maiorías por baixo dos intereses financieiros e especulativos.
| Os políticos sempre opinan de todo, un asunto no que lle custe formarse unha opinión? Teño reticencias éticas con determinadas interpretacións punitivas do dereito penal.
| Fai algún deporte de forma habitual? Cal? Nadar no mar ou no río todos os días que podo e camiñar pola montaña.
| Unhas vacaciones inesquecibles? Non son o que a xente considera estritamente unhas vacacións, pero recordo con especial intensidade e paixón política e humana os meses de verán que pasei na flotilla de Gaza.
| Un lugar para perderse? Praias da comarca de Bergantiños cuxo nome non vou desvelar, a Illa de Arousa e o nacemento do río Sil, que non está en Galicia, senón en León, no Bierzo.
| Cervexa ou viño? Ou ningunha opción? Cervexa con calor e viño con tempo agreste.
| Sabe cociñar? O seu mellor prato? Unha pasta carbonara de verdade: panceta galega, pecorino romano e parmiggiano da Emilia-Romaña.
| Sabe pór unha lavadora? Afortunadamente para min, si.
| A última vez que lavou os pratos? Hoxe mesmo, despois de almorzar.
| Leva no móbil contador de pasos? Cantos pasos camiña? Non levo contador de pasos, pero sei que cando camiño fago unha media de seis kilómetros á hora, a media do paso humano.
| Cal é o seu punto débil de saúde: dor de espalda, colesterol alto...? Afortunadamente non teño problemas de saúde.
| Cal é a app sen a que xa non pode vivir? Shazam.
| Está a favor da xestación subrogada? Non.
| E regularía ou aboliría a prostitución? O que quero e facer todo o que estea na miña man para construir unha sociedade na que ninguén teña que prostituirse.
| A favor ou en contra da eutanasia? A favor do dereito a morrer dignamente.
| Algunha vez fumou un porro? Non. E o teño intentado. Pero non soporto o tabaco.
| Confese un micromachismo no que incurrira sen se decatar. Supoño que moitos, pero afortunadamente sempre tiven cerca a compañeiras que me fixeron reflexionar sobre a posición de poder que representa o home no heteropatriarcado.
| Vostede recicla? A que bolsa vai o cepillo de dentes e os pañais usados? Reciclo, sí. Desde hai uns meses xa non teño cepillos de plástico, e teño decidido coa miña compañeira, usar pañais lavables a pesar da humidade de Galicia.
| Que lle diría a un fillo que lle confesa que é transxénero? Que como calquera neno ou nena ten todo o apoio do seu pai e a súa nai para ser feliz.
| A última vez que chorou. Cando morreu o meu pai.
| Se vostede fose un animal, cal sería? Cal me gustaría ser? Un mamífero libre polo monte ou polo mar.
| Que lle fai sentir máis orgulloso de Galicia? Que, fronte ao que se pensa de nós, sempre estivemos na vangarda dos cambios políticos progresistas: AGE, as Mareas e, agora, somos a primeira forza política galega que ten unha galega sentada no Consello de Ministros.
| Onde se imaxina dentro de seis anos? Coidando das miñas fillas.
