| Lalín lembrou onte a un fillo predilecto "fiel e leal a Galicia". Así foi como definiu a Xosé Cuíña Crespo o presidente do Parlamento, Miguel Santalices, un dos cinco deputados ourensáns que se pecharan nun piso en 2004 dentro do órdago de José Luis Baltar a Manuel Fraga logo da defenestración do seu delfín. A intervención tivo lugar na homenaxe ao que fora alcalde de Lalín, presidente da Deputación e conselleiro, co gallo do décimo aniversario da súa morte, que se cumprirá o día 28. Na imaxe, a súa viúda e os seus fillos e, á dereita, os irmáns de Xosé Cuiña ante un cartel do homenaxeado.