O V Foro de Educación, a maior cita coa educación en Galicia, quenta motores e anuncia un completo programa con seis conferencias e máis de media docena de obradoiros deseñados por expertos de todas as ramas para entender o presente e debuxar, man a man coas familias e a comunidade docente, o futuro dun sector fundamental.
Judit Santos, preséntanos a súa ponencia:
"Miudiño S. Coop. Galega: Xogo e cultura para naturalizar a infancia"
E se transformamos o patio da escola?
A idea é o comezo. E aparecen as gañas, a ilusión, as tormentas de ideas… e as dúbidas e conflitos. Como resolvemos? Como seguimos? Ata onde podemos?
Miudiño S. Coop. Galega leva anos percorrendo Galicia axudando e guiando ás comunidades educativas na transformación dos seus espazos escolares.
Nesta sesión veremos por que é necesario intervir nos patios das escolas, como podemos facelo e cal é o camiño con maior probabilidade de éxito, ademáis de resolver as dúbidas e preocupacións que con máis frecuencia aparecen.
Anímaste a participar?
