Suscríbete

Contenido exclusivo para suscriptores digitales

Galiciencia recibe proxectos

Os centros escolares aspirantes a expoñer as súas ideas na cita científica da Tecnópole teñen de prazo ata o 11 de marzo

Unha imaxe da pasada edición de Galiciencia.

Unha imaxe da pasada edición de Galiciencia.

O Parque Tecnolóxico de Galicia-Tecnópole abríu o prazo de recepción de proxectos para a Galiciencia 2019 ata o próximo 11 de marzo. A cita da maior feira científica de Galicia está fixada para os días 8, 9 e 10 de maio, coa saúde e os bos hábitos como temática central. Os proxectos relativos a este campo competirán polo premio da categoría especial do certame.

Coa apertura da recepción de proxectos iníciase o proceso de selección dos 80 proxectos cos que Tecnópole celebrará a décimo cuarta edición deste evento. Aos 50 traballos presentados por equipos de estudantes de Secundaria, Bacharelato e FP que competirán polo primeiro premio do certame, sumaranse fóra de concurso 30 proxectos máis de alumnos de Primaria e Educación Especial.

O evento terá lugar nas instalacións do Parque Tecnolóxico de Galicia, no concello ourensán de San Cibrao das Viñas. A súa celebración é posible un ano máis grazas ao apoio da Consellería de Economía, Emprego e Industria -a través da Axencia Galega de Innovación (Gain)-, da Fundación Española para a Ciencia e a Tecnoloxía (Fecyt) e do Ministerio de Ciencia, Innovación e Universidades.

As bases están xa dispoñibles en www.galiciencia.com, coa posibilidade de que calquera centro escolar envíe as súas propostas. Os 50 proxectos participantes na competición estarán expostos durante os tres días da feira, mentres que os de Primaria e Educación Especial poderán verse en quendas de 10 proxectos diferentes cada día. Tamén se abríu na web a recollida de solicitudes de visita para grupos por parte dos centros escolares. Co obxectivo de garantir o acceso a unha representación diversa dos centros de toda Galicia no certame, limítase a catro proxectos a exposición por cada centro. Para participar, o requisito fundamental é formar un equipo de dous alumnos e un profesor e contar a idea, xa sexa un proxecto experimental e tecnolóxico ou un traballo documental, a través do formulario de inscrición.

Os equipos seleccionados para expoñer o seu proxecto deberán achegar previamente unha presentación dixital na que se recollan os aspectos máis relevantes da súa investigación, co obxectivo de fomentar a capacidade para resumir e comunicar de forma atractiva o seu traballo de cara á celebración da feira.

Compartir el artículo

stats