Que Halloween nin Juawulin! Dez ideas de disfraces infantís para meter medo neste Samaín

Velaquí van as nosas propostas favoritas para poñercho un pouquechiño máis fácil este ano

Vigo18 OCT 2024 10:03

Un ano máis, Galicia prepárase para vivir cos máis peques da casa unha das súas tradicións máis senlleiras. O vindeiro 31 de outubro, o Samaín volverá encher as rúas de toda a comunidade de cabazas, druidas, meigas ou Santas Compañas.

Unha oportunidade xenial para gozar en familia e cos amigos das nosas vilas e escolas que, malia todo, volve chegar acompañada dun gran desafío. Como sabemos que escoller disfrace cos pequenos non sempre é doado, velaquí van as nosas propostas favoritas de Pinterest para poñercho un pouquiño máis fácil este ano.

Disfraz abducido por un alien. — Disfrace de neno abducido por un alien. / Pinterest

1.- Abducido por un Alien

Xa sabedes o que din: "Hai un galego ata na lúa" así porque non ía haber algún dos nosos compatriotas noutro satélite ou planeta aledaño, que fora, por exemplo, abducido por un alien. Os pequenos amantes do espazo exterior ou a ciencia ficción van flipar con este disfrace!

Disfraz de espantallo. — Disfrace de espantallo. / Pinterest

2.- Espantallo

É un dos nosos preferidos pois con moi pouco esforzo e inversión queda un disfrace de revista. Só precisas un pouco de roupa vella e un pouco de palla para dar vida aos bonecos que os galegos pomos nas leiras para espantar aos paxaros e, de paso, aprender que en galego non existe a palabra Espantapaxaros. O que escoitades: dise Espantallo

Disfraz de momia. — Traxe de momia. / Pinterest

3.- Momia

O de momia é outro dos grandes clásicos que non pode faltar: divertida e terrorífica, fácil de facer e unha boa forma de engánchalos a historia a través da cultura exipcia...

Disfraz de cadro. — Disfrace de cadro. / Pinterest

4.- Cadro artístico

E falando de Cultura... Que chulo quedaría ver a toda unha clase vestida dalgunhas das obras máis importantes da Historia da Arte. Aquí vemos 'A moza da perla' ou 'A Gioconda', pero ben vagaba a pena incluír tamén algún de Laxeiro ou de Seoane!

Disfraz de Cruella de Vil. — Traxe de Cruella de Vil. / Pinterest

5.- Malvada de Disney

Encántannos as malvadas de Disney como Cruella de Vil porque nos recordan que ninguén é tan bo nin tan malo como parece. Elas sempre son un si!

Disfraz de Arenita. — Disfrace de Areniña. / Pinterest

6.- Areniña

Seguindo con grandes clásicos televisivos: por orixinal, divertido e diferente, o disfrace de Areniña de Bob Esponxa triunfará en calquera festa que se prece!

7.- O outono galego

Cogomelo, esquío, porco bravo ou bosque e demais elementos do outono galego son outros dos disfraces que non poden faltar neste Samaín!

Disfraz de cacharela. — Disfrace de cacharela. / Pinterest

8.- Cacharela

E falando de outono... Xa están a piques de chegar tamén os magostos! Fáltanos tempo para correr a prender as cacharelas! Este traxe é o máis!

Disfraz de chuvia. — O traxe perfecto para toda a familia mete medo coa... Choiva! / Pinterest

9.- Choiva

Claro que se algo nos vai meter medo aos galegos despois do aniño que levamos iso é... A Choiva! Inda por riba é moi doado de facer. Velaquí vai a proposta que contradi aos que din que o disfrace perfecto para toda a familia non existe