Retallos, fotogramas, imaxes
Pausado e gozoso
Héitor Mera
José Carou é autor cunha xa dilatada traxectoria. Tanto no eido da crítica cinematográfica como no ámbito da creación, a súa obra hai xa tempo que é recoñecida. Hoxe ofrécenos un novo poemario co título de Diorama no que, a medida que te vas adentrando decátaste que é compendio de varias das inquedanzas intelectuais do autor de Rianxo.
Poemario extenso, o primeiro que chama a atención é a preocupación por facernos ver dende o mesmo título a importancia que lle dá á canle para expresar os seus sentimentos e reflexións. Para entender o poemario haberá que ter presente o que é un diorama. Logo xa vén adscribir este concepto ao poemario. Segundo a RAG é : “Representación pictórica que se realiza sobre unha superficie transparente pintada polas dúas caras, de xeito que, segundo a iluminación que reciba, produce diversas imaxes e efectos”.
O autor leva este concepto fundamental á súa poesía. Retallos, fotogramas, imaxes poéticas que fecundan cada unha das partes nas que está estruturado o libro. Esas fendas lumínicas pretenden deixar na retina unha idea da que se serve para a construción dun entramado poético e filosófico. Diorama é o plurisperpectivismo e a inmediatez lumínica. Un xogo que pon en constante diálogo ao eu lírico e ao lector. É esa canle á que nos referíamos anteriormente e que determina por completo a mensaxe. Se noutros textos a importancia se carga noutros elementos do esquema de comunicación, sexan a propia mensaxe, o contexto… neste poemario chamar a atención sobre a canle dálle un punto innovador e orixinal. A proposta de Carou facilita que o lector se recree na súa poesía concisa, case lapidaria, conscientemente entalada nunha proxección versal continua, pero ao tempo fugaz.
É neste marco no que o eu lírico expón todo tipo de sentimentos e expón moitas das súas querenzas e desventuras. Diorama é un poemario para o amor e para a filosofía. Tamén para a reflexioón lingüística vencellada á ontoloxía como dúas caras dunha mesma moeda. Sinestesias cruzadas entre os diversos campos do saber que conforman o mundo neste poemario de lectura pausada e gozosa.
DIORAMA (2022): José Carou, Vigo, Galaxia, PVP.15,67€
Suscríbete para seguir leyendo
- Una hoja del laurel en la nevera: el remedio de la abuela con el que terminarás para siempre con el gran problema de tu cocina
- Una enfermera gallega le explica a una catalana la diferencia entre "Voy" y "Vengo", al más puro estilo 'Barrio Sésamo
- Golpe a los furtivos de Portugal en plena Semana Santa: 2,2 toneladas incautadas y 107 identificados
- Revelación: este es el padre biológico del hijo de Ivonne Reyes y no es Pepe Navarro
- Alberto Núñez Feijóo y su accidentada salida de la boda de Martínez-Almeida
- Aitana intervenida de urgencia antes de arrancar su gira en Latinoamerica
- Estos son los minutos que hay que caminar al día para conseguir adelgazar: muchos menos de los que te imaginas
- Una viajera busca a los "ángeles de la guarda" de su bebé durante un vuelo Madrid-Vigo