Atractivo deseño
Estupenda aprendizaxe

Detalle da portada de "Crías de animais. Australia. Quen son?". / María Navarro
María Navarro
Coa intención de achegarlle á cativada o mundo dos animais o selo Faktoría K de Kalandraka Editora vén de lanzar unha nova colección “Crías de animais” na que presenta a fauna dun continente; Europa, África ou Australia, que é o volume que nos ocupa, son os espazos elixidos por Tandem Seceda, isto é Chema Heras, Isabel Pelayo, Pilar Martínez e Xurxo Gutiérrez, para amosar dunha forma singular unha selección de seres para amantes da natureza que queiran descubrir algún dato que se antollaba secreto e que revelado desta forma permitirá unha nova ollada ao entorno.
O deseño non podía ser máis atractivo: texto sinxelo e tenras ilustracións , a cargo de Ester García, do animal proposto que os nenos e as nenas han de descubrir descifrando as adiviñanzas que establecen acompañadas dunha imaxe. Os datos que expoñen constitúen a esencia do citado ser e algunha característica que permita identificalo e que ao mesmo tempo atrapa a atención do lector. Logo de desvelar a incógnita, hai alusións a certas formas de actuar ou peculiaridades vitais e remata cun interrogante que aumenta, se cabe, a curiosidade dos receptores.
Espertar nos cativos o desexo por coñecer o que está ao seu redor e ampliar a súa visión do mundo explorando que lles acontece a outros seres, ás veces tan afastados de nós en distancia pero tan cercanos en canto á forma ou configuración, para a través da comparación establecer vínculos que han de axudar a entender mellor o mundo, semella unha forma de estupenda de aprendizaxe na que partindo dos seus intereses, se introducen novos conceptos e expándese o coñecemento do neno dunha forma amena coa que se asegura a súa interiorización.

Portada do libro.
TANDEM SECEDA, Crías de animais. Australia. Quen son? (Ils. Ester García), Faktoría K, Pontevedra, 2022, PVP. 13,30€
Suscríbete para seguir leyendo
- Un podólogo gallego señala los peores calzados para la fascitis: «Deja de utilizarlas, no sirven para nada»
- Un camionero en pruebas no va a trabajar por enfermedad, le dan la baja, la empresa lo despide y la Justicia la avala
- Una podológa gallega, contundente con llevar crocs en verano: «Lo ideal es que no las utilices»
- Adiós a los toldos: Ikea lanza el nuevo invento para tener sombra en casa durante todo el año
- «Estoy preparando las maletas para mi viaje a la eternidad»
- PAU 2025: Consulta aquí las notas de la selectividad en Galicia
- Si ves una cría de pájaro caída del nido, no la cojas: esto es lo que dice la Sociedad Española de Ornitología
- Las fiestas de Coia, canceladas de forma definitiva: no habrá ni verbena