Suscríbete

Contenido exclusivo para suscriptores digitales

Relato de afoutezas

O pouso amargo da invisibilidade

Ilustración da cuberta de "A luz dourada", de Jorge de Ortúzar.

Ilustración da cuberta de "A luz dourada", de Jorge de Ortúzar.

Coa lembranza dunha luz dourada comeza a súa narración José, protagonista dunha historia que, poñendo a súa vida como exemplo, podería ser o relato de centos de emigrantes que cara a mediados do século XIX abandonaron Galicia para buscar fortuna en América, aínda que para sermos máis exactos habería que falar de aliviar a familia e aliviarse un mesmo das gadoupas da pobreza que por aquel entón asolaba a nosa terra.

Uns cadernos de follas cuadriculadas e tapas de hule negro que conteñen un texto escrito a lapis conforman o substrato deste exemplar de Jorge de Ortúzar que a editorial Dos Acordes vén de publicar como homenaxe a un ser querido e, por extensión, a toda unha colectividade que antes e agora representa quizais o éxito individual, tinguido de tristeza a pesar da riqueza material aparente, e do fracaso social que supón para un país que se desangra porque a súa mocidade debe abandonar a terra na procura simplemente de futuro.

A ollada que o transcriptor deita sobre as páxinas do relato recolle o pouso amargo de quen sofre e padece de invisibilidade, pero tamén a afouteza de quen camiña coa fronte ben alta porque a dignidade, a honradez e a autenticidade non poden ser arrebatadas por ninguén -“a verdade, coma o sol, non é patrimonio de ninguén a para todos produce luz e vida”- .

O relato que comeza con José mozo e a piques de embarcar cara a Arxentina esténdese ata que é adulto e decide non escribir máis, asegurando que el non deixou as terras, senón que foron elas as que o abandonaron. Polo medio a morte dos irmáns cativos, os preparativos da primeira viaxe, as emocións, os sentimientos esgazados, a soidade, as outras viaxes, as xuntanzas e as despedidas deseñan a súa confesión feita palabras, a súa vida feita de lembranzas e retallos.

DE ORTÚZAR, Jorge, A luz dourada (ils. Ana R. Jular), Dos Acordoes, Baiona, 2021, PVP. 15€

Compartir el artículo

stats