Suscríbete

Contenido exclusivo para suscriptores digitales

Canda Greta

En favor do medio ambiente

Canda Greta

Canda Greta

Co cartel “Non es demasiado pequeno para facer cousas grandes”, que Greta Thunberg amosa en cada unha das súas manifestacións públicas, como subtítulo presenta Rinoceronte Editora A historia de Greta, unha biografía non oficial da moza sueca que ten feito das súas protestas o eixo fundamental da súa existencia: ela á cal, a priori, se lle supoñen certas dificultades comunicativas -que vence e supera, porén, grazas ao espíritu afouto que a leva a perseverar nas súas ideas- estase a converter nunha icona da loita para mozos, e tamén para maiores, ao difundir, alí onde teña oportunidade, o seu desacordo co proceder dos Estados ante o un problema global que afecta xa a todo o planeta e que pode conlevar consecuencias catastróficas para a supervivencia da propia Humanidade.

Certamente, o ton da escrita convida o lectorado a procurar datos e feitos, e non porque se dubide das palabras de Greta, senón porque a manifestación deses mesmos feitos ten espertado unha vaga de sensacións favorable á adhesión coa causa. Os xestos, por insignificantes que parezan, os movementos individuais por moi illados que sexan levan a Greta a mobilizarse arreo, berrando un “non!” rotundo á forma de actuar ata o de agora e incitando a afrontar o problema de forma global desde a base deica o cume. Só así será posible o cambio, e faino a rapaza do Norte coa palabra, e faise asemade con volumes coma este dirixidos á cativada con explicacións sinxelas, cunhas indicacións prácticas e mesmo cun glosario que dixire os termos que poden ser máis complicados de entender e ata unhas fontes que poden ser consultadas para profundizar no tema.

CAMERINI, Valentina, A historia de Greta (ils. Verónica Carratello), Rinoceronte, Cangas, 2020, PVP.11, 95 €

Para continuar leyendo, suscríbete al acceso de contenidos web

¿Ya eres suscriptor? Inicia sesión aquí

Y para los que quieren más, nuestras otras opciones de suscripción

Compartir el artículo

stats