Vive un verán teatral único con Imaxinatea

En Imaxinatea Lab Creativo entenden o teatro como unha poderosa ferramenta de expresión, desenvolvemento persoal e conexión colectiva. Desde a súa sede en Vigo, este verán volven apostar por unha programación formativa ampla, inclusiva e adaptada a todas as idades.

Desde campamentos infantís ata cursos intensivos para adultos, pasando por preparación específica para as probas de acceso a Arte Dramática, a proposta desta escola de teatro en Vigo combina metodoloxía práctica, enfoque lúdico e unha clara vocación transformadora:

Teatro para as novas xeracións: Campamento de Verán (6-14 anos)

Do 30 de xuño ao 11 de xullo, Imaxinatea acolle o Campamento Teatral de Verán para nenas e nenos, unha experiencia artística onde o xogo, a expresión corporal e a improvisación se converten nas ferramentas principais para fortalecer a creatividade, a autoestima e a comunicación. Impartido pola docente e creadora escénica Ana Abad de Larriva, o obradoiro desenvolvese en horario de mañá (10:30 a 13:00 h) e remata cada semana cunha pequena mostra escénica aberta ao público.

O prezo é de 135 € por unha semana ou 216 € por dúas, cun 20 % de desconto pola participación completa.

Máis información: imaxinatea.es/gl/campamento-teatral-de-veran

Teatro Básico para Adultos

Para o público adulto, ofrécese un Curso Intensivo de Verán de Teatro Básico, tamén entre o 30 de xuño e o 11 de xullo, en horario de 20:00 a 21:30 h. Está pensado tanto para persoas sen experiencia como para aquelas que queiran volver ao escenario, e traballa expresión escénica, conciencia corporal, voz e creación de escenas, todo nun ambiente seguro e estimulante.

A matrícula tamén conta cun desconto do 20 % se se realiza o curso completo. O prezo é de 130 € por unha semana, cun 20% de descuento si realizan dúas semanas.

Máis información: imaxinatea.es/gl/teatro-basico-curso-de-veran-intensivo

Preparación para as Probas de Acceso a Arte Dramática 2025

Para aquelas persoas que aspiren a ingresar nas Escolas Superiores de Arte Dramática, Imaxinatea organiza un curso intensivo de preparación repartido en dúas semanas (23–27 de xuño e 30 de xuño–4 de xullo). O programa inclúe traballo sobre textos e monólogos, técnicas corporais e vocais, e simulación de situacións reais de exame.

Con horarios diferenciados de mañá e tarde e grupos reducidos, o curso busca unha preparación personalizada e rigorosa. O prezo é de 130 € por unha semana ou 208 € se se realiza completo, cun 20 % de desconto.

Máis información: imaxinatea.es/gl/curso-de-preparacion-probas-de-acceso-arte-dramatica-2025

Curso anual 2025–2026: matrícula con desconto ata o 1 de xullo

A oferta formativa anual desta escola de teatro en Vigo arrinca en outubro e está aberta xa á inscrición cunha promoción especial: 30 % de desconto na matrícula ata o 1 de xullo. Os cursos abranguen todas as idades e niveis:

• Teatro para nenas/os (5–8 anos) e (9–12 anos)
• Teatro para adolescentes (12–16 anos)
• Teatro básico e avanzado para adultos

As clases desenvólvense en grupos reducidos, con horarios semanais de mañá ou tarde e a posibilidade de modalidade online. A mensualidade parte dos 45 €.

Para máis información, consulta a web imaxinatea.es, contacta a través de contacto@imaxinatea.es ou chama ó 986 120 024.

Visita as súas redes sociais:

Instagram @imaxinatea_labcreativo

Facebook Imaxinatea Lab Creativo