A Estrada, capital do pop-rock máis miúdo
Pakolas, Uxía Lambona e Broken Peach, estrean o Festival dos Arrieiriños
Uxía Lambona e Pakolas, protagonistas xunto con Broken Peach do I Festival dos Arrieiriños. / FDV
M.Gonzalez
Este domingo A Estrada vai tremer, con risas, saltos e moita música, grazas á chegada do Festival dos Arrieiriños, o primeiro festival infantil de pop-rock de Galicia. E si, estás lendo ben: pop-rock para a rapazada, pero tamén para os maiores que así o desexen.
A partir das 18:00 horas, a praza do Concello converterase nun auténtico escenario rockeiro, cun cartel que non ten nada que envexar aos grandes festivais, pero adaptado aos máis cativos.
O primeiro en saír á palestra será Pakolas, tamén coñecido como Paco Cerdeira, un verdadeiro rockeiro para nenos e nenas, cun repertorio cheo de contos cantados, guitarras afiadas e letras que dan para cantar, rir e aprender.
Ás 19:00 chegará o turno de Uxía Lambona e a Banda Molona, que levan anos poñendo a bailar a toda Galicia con versións frescas e divertidas de clásicos da música tradicional. Se pensabas que a «Muiñeira de Chantada» non podía ter swing, é porque aínda non a disfrutaches en directo.
Uxía Lambona e Pakolas, protagonistas xunto con Broken Peach do I Festival dos Arrieiriños. / Iñaki Abella
O certame comezará a partir das 18.00 horas deste domingo, e terá lugar na praza do concello
Como broche de ouro, ás 20:00 suben ao escenario Broken Peach, unha banda que mestura soul, rock e moito estilo visual. Voces potentes, maquillaxes de cine e posta en escena chea de enerxía, son as súas principais apostas, triunfando sempre alá por donde van.
O Festival dos Arrieiriños nace coma unha alternativa do xa coñecido Son dos Arrieiros, pero cun enfoque máis familiar e orientado á cativada. A idea —promovida polo Concello da Estrada— é consolidar unha nova cita anual que una música, cultura e lecer para todas as idades. A carpa da praza do Concello será o epicentro desta aventura musical que se enmarca nunha programación intensa: o Latexo Fest para a mocidade, o Festival de Bandas, o Orballo Cultural e a vindeira Festa da Sidra o 7 de xuño.
Así que xa sabes: este domingo colle os cascos, os nenos e nenas, e a camiseta máis molona que teñas. Porque na Estrada, os arrieiriños tamén rockean.
A Estrada está preparada para vivir unha fin de semana marcadamente musical baixo a carpa de gran formato instalada na Praza da Constitución.
Fin de semana musical
A música será a grande protagonista desta fin de semana na Estrada. A primeira cita será hoxe mesmo, cando o ciclo Orballo Cultural chega á localidade da man de Xabier Díaz & Adufeiras de Salitre e Su Garrido Pombo. Ofrecerán un espectáculo gratuíto, dentro dos Concertos do Xacobeo, que arrancará ás 20.00 horas.
Sidra e San Paio
O Festival dos Arrieriños súmase deste xeito ás celebracións levadas a cabo no Concello da Estrada nos meses centrais do ano. Así, configurase como a antesala ideal para as vindeiras Festa da Sidra, que terá lugar a vindeira fin de semana, o o agardado San Paio, as patronais da capital estradense.
- Si ves una cría de pájaro caída del nido, no la cojas: esto es lo que dice la Sociedad Española de Ornitología
- Vuelos ya cancelados y billetes «trampa» en Santiago: despega la operación cierre de Lavacolla
- Devuelve la cartera de un joven de Aldán con el dinero que tenía para viajar a Tenerife: «¡Personas que son ángeles!»
- Aurelio Rojas, cardiólogo, recomienda este cambio cuando salgas a caminar: «Es como pasar de ver la tele a entrenar tu sistema cardiovascular»
- El bloqueo de Portugal tras el apagón hunde la generación eléctrica de Galicia
- Si vives en el rural gallego tienes más riesgo de contraer esta enfermedad de difícil diagnóstico: están aumentando los casos
- La falta de ayudas aboca al cierre a la primera cafetería inclusiva de la ciudad
- El psicólogo Álvaro Bilbao advierte: si tu hijo hace estas preguntas, acude al pediatra «lo antes posible»
