Un complexo sanitario á vangarda das novas tecnoloxías

Un dos proxectos máis agardados pola poboación por fin verá a luz esta mesma tarde. O novo Centro Integral de Saúde de Lalín e comarca sustituirá ao antigo ambulatorio, dando así resposta a unha das demandas máis xeneralizadas dos últimos anos na comarca de Deza.

Ademáis de albergar o centro de saúde básico, o edificio incorpora programas específicos, como rehabilitación e atención á muller. Unha das principais apostas do CIS será o uso das novas tecnoloxías, que permiten incluir, por exemplo, un área específica de telemedicina. Deste xeito, o centro lalinense estará virtualmente vencellado ao Complexo Hospitalario Universitario de Santiago de Compostela (CHUS), e mosmo aos propios domicilio dos doentes, algo que sen dúbida, repercutirá na comodidae e o benestar de toda a cidadanía.

O deseño do CIS, ademáis, apostou polos espazos amplos, así como por modernas dotacións de mobiliario e unha maior dotación de medios diagnósticos e terapéuticos de última xeración.