A mesa redonda "XXV anos da restauración do Muíño de Fausto" celebrada onte no Centro Cultural de Coiro abriu oficialmente as celebración da Festa do Muíño, que se prolongarán hoxe cunha festa infantil no colexio de Castrillón e con actuacións no entorno do muíño.
A celebración para os máis pequenos dará comezo a partir das 11.30 horas e contará con atraccións, xogos, flocos de millos e caramelos. As actividades na zona do Muíño de Fausto comezarán ás 18.00 horas cun festival infantil de baile tradicional no que estarán Ximalveira, Lembranzas da Ría, Retrouso e Colectivo Baile Infantil. A partir das dez da noite será o momento do folc tradicional co dúo de acordeóns Gonzalo e Iago, Alvariza Charanga e Tiruleque, que presentará o seu segundo disco. Mañá domingo será o día grande, coa lectura do pregón ás 13.00 horas.
