"Insistimos en evitar tamén os matrimonios con nenas e cada vez esta situación vai a mellor", explica Pilar, quen se enorgullece de ter conseguido o respecto por parte dos xefes do poboado. Isto deulle a oportunidade de poder conversar con eles e axudarlles a entender o perxudicial que podería chegar a ser para as súas fillas casar tan novas, conseguindo que, dende hai 2 anos, a muller máis nova en casarse tivera xa os 18.
Sen dúbida o traballo que queda por facer no Sur é inconmensurable, mais só con iniciativas como a que lidera Pilar pódese axudar a paliar as inxustizas e as desigualdades que existen no mundo. [Máis información: www.orgdaman.org].
