A fibra non entende galego

En setembro de 2021 un veciño de Dozón, Mario Vila, contratou coa empresa Telefónica un servizo de 600 Mb de fibra óptica que nunca foi instalado e para o que lle ofrecían unha alternativa de conexión por radio de baixa calidade. Vila reclamou ante o Ministerio para la Transición Digital, que resolveu en contra deste veciño argumentando que el non presentata alegacións, pero estas «foron rexistradas en tempo e forma», asegura o afectado. A día de hoxe, o recurso de reposición segue sen resposta.

Ante este bloqueo individual, a finais do ano pasado púxose en marcha unha petición veciñal conxunta. O ministerio non respondeu, senón que devolveu o escrito «por estar redactado en galego, e agora esíxelle aos veciños que sexan eles os que asuman a tradución ao castelán nun prazo de 10 días se non queren que a súa reclamación sexa enviada ao arquivo». Vila lembra que a Lei 39/2015 obriga á administración a realizar as traducións ao castelán cando un cidadán exerce o seu dereito de empregar unha lingua cooficial.

Os veciños consideran que se trata dunha estratexia para protexer a Telefónica «de cumprir cos seus compromisos de investimento no rural galego». Van presentar esa solicitude traducida ao castelán apra non perder os seus dereitos, pero esíxen que se obrigue á operadora a despregar a tecnoloxía comprometida hai catro anos.