O Manguelo Folk chegará a Orazo o 24 de maio con sete grupos

A Asociación Socio Cultural Coto Manguelo de A Estrada volve a traer este festival de música tradicional e folk a Orazo, ca celebración da décimo terceira edición do Manguelo Folk, que terá lugar o sábado 24 de maio. A festa comezará a partir das 18.30 horas. con xogos populares organizados por Sororas, e tamén cun Obradoiro de Baile, que dirixirá Verónica Vázquez.

Máis tarde, a partir das 20.30 horas, será a quenda das Pandereteiras e de Lilaila de Orazo, que se encargarán de comezar a animar a festa coa súa música. Ás 22.00 horas, Benofán, Charanghaitos, Do Rivés, Estraloqueiras e Xodó serán os seguintes músicos que suban ao escenario para seguir estirando a festa ata a madrugada, onde unha vez rematen, haberá foliada aberta. Orazo reunirá a finais de maio unha xornada de música, baile, obradoiros, comida, bebida e festa rachada dende a tarde ata a noite. Tamén haberá aparcadoiro, carpa, cantina e diferentes sorteos para os participantes. O cartel promocional da festa de este ano é un deseño gráfico asinado polo artista Marcos Puente.