Silleda 2019 - 2023: Un investimento histórico 
en mobilidade sostible

Avanzan as obras do Novo Concello de Silleda, que encaran a súa recta final

As obras de rehabilitación do edificio da Casa da Cultura como a nova sede do Concello de Silleda, que van converter este inmoble no epicentro urbano da vila, seguen a avanzar a bo ritmo. Esta ambiciosa actuación, que ademais de poñer en valor un edificio moi vencellado ao patrimonio arquitectónico da vila, supón unha aposta por ofrecer á veciñanza uns servizos públicos de calidade dende unha céntrica situación, e conta cun orzamento total de 1.802.984 euros€, dos que a Deputación de Pontevedra achega 713.250€euros dentro do Plan ReacPon, e a Xunta de Galicia 250.000 euros. 

Os traballos, que xa están moi avanzados, van supoñer un novo paso na remodelación urbana de Silleda, situando a Casa do Concello na rúa Progreso e cun acceso traseiro pola rúa Morón. 

A centralización de todos os departamentos nun único edificio é outros dos obxectivos, ademais do aforro e a mellora da eficiencia enerxética. 

“Esta actuación vai supoñer a redefinición do centro urbano de Silleda” e constitúe unha obra “importantísima para a veciñanza”, pois vai solucionar os problemas que supoñía ter a sede municipal nun edificio situado “nunha curva da N-525”, condicionado por unhas escaleiras e sen facilidades de acceso e aparcamento para a cidadanía.

Así mesmo, será un dos edificios municipais conectados á Rede de Calor con Biomasa de Silleda, a primeira de carácter público-privado de Galicia, que vai xa pola súa segunda fase de ampliación logo do investimento realizado en 2021, con outros 250.00 euros, chegando ata a que será a nova casa consistorial. 

Despois da súa aprobación en Pleno no mes de setembro, a Xunta de Galicia daba , por fin, o visto bo a Plan Xeral de Ordenación Municipal (PXOM) de Silleda, o documento que marcará un antes e un despois para o crecemento do territorio. 

O proceso de redacción retomouse no ano 2007, e logo da aprobación inicial en 2012, a que seguiu unha exposición pública modélica en todas as parroquias, aprobouse provisionalmente en marzo de 2016, á que seguiría despois a problemática que supuxo -para Silleda e outros municipios-, a sentencia que anulou os Plans Xerais de Verín e Monterrei, obrigando entre outros a regularizar as traídas municipais.

Este documento, permitirá un crecemento e desenrolo no municipio, e xeración de riqueza sobre todos nos próximos 3-4 anos, incorporando solucións para frear a dispersión das edificacións, potenciando o actual sistema de núcleos e a conservación das súas zonas orixinarias, os desenvolvementos urbanísticos, defender e preservar os valores naturais e culturais e lograr novos espazos públicos. 

O PXOM tamén potencia a zona norte do núcleo de Silleda como espazo ligado a usos terciarios, e a zona este como espazo ligado a usos industriais.

Os núcleos urbanos medrarán con dotacións de equipamento, espazos libres e zonas verdes, así como con servizos urbanísticos, procurando así un desenvolvemento sostible e un incremento da calidade de vida da poboación.

Os solos destinados a usos industriais son os denominados SUD-I1, SUD-I2 e SUD-I3, ubicados respectivamente en A Mera –onde está o parque empresarial Área 33- , en Chapa e en Siador para regularizar industrias existentes. En todo caso os crecementos industriais concentranse ao redor do solos urbano de Silleda facilitando as comunicacións e a dotación de servizos urbanísticos.

Ademáis, contémplanse 5.268 novas vivendas, das que 3.578 estarán en solo urbano,e 1.331 nos núcleos rurais, onde se poderá volver a construir, ademais de rehabilitarse ou ampliarse as existentes. O texto recolle tamén un total de máis de 7 millóns de metros cadrados de solo de núcleo rural. Con este planeamento, deséñanse tamén novas zonas verdes e de servizos, xerando 42.678 metros cadrados novos de equipamentos, acadando así un total de 152.602 metros cadrados e recóllense 1.195 elementos catalagodos, dos que destacan 209 xacementos arqueolóxicos e 513 hórreos con valores catalogados.