A carreira popular O Galo Corre terá lugar o 12 de xuño en Vila de Cruces. As persoas que queiran participar xa se poden inscribir, no sitio web www.emesports.es. O prazo está aberto ata o 9 de xuño, e a matrícula custa 7 euros desde a categoría xuvenil a veteranos, mentres que será gratis desde chupete a cadetes, como ocorreu na última edición, a de 2019. Haberá trofesos para os rres primeiros de cada categoría, así como agasallos para todos os participantes. A proba en categoría sénior será de 10 quilómetros e percorrerá todo o centro urbano. Nesta edición de 2022, a organización volve empregar o logo que deseñou Óscar Vila para a convocatoria de 2019, e que permitiu que lucise de novo nesta edición da postpandemia.
