David Reinero gaña o Premio Xornalístico Reimóndez Portela

Os membros correspondentes ao xurado cualificador encargados de fallar a XXVI edición do “Premio Xornalístico Manuel Reimóndez Portela” reuníronse este mes para analizar os diferentes candidatos. Finalmente, o premio desta edición recaeu por unanimidade nunha serie de cinco entrevistas realizadas a destacados membros dos distintos gobernos da Xunta de Galicia (Víctor M. Vázquez Portomeñe, Fernando Salgado, Pilar Rojo, Teresa Táboas e Agustín Hernández) nestes últimos corenta anos, da autoría de David Reinero González. Todas elas foron publicadas no xornal dixital Praza Pública baixo o denominador común dos “Corenta anos de Estatuto”.

O xurado destacou das entrevistas gañadoras “A imaxe transversal que ofrecen da situación sociopolítica de Galicia neste longo período da nosa historia”. O acto de entrega do premio terá lugar o vindeiro mes de decembro. O xurado cualificador, agradece a participación e destaca a variedade e calidade dos traballos presentados a concurso. Concurriron a esta edición un total de dezanove artigos, pertencentes a un total de once autores. Juan Manuel Constenla, Victoria Reimóndez Sanmartín, Mª. Del Carmen Vieitez, Enrique Otero y Juan Andrés Fernández formaron el jurado.