A Asociación Amigos da Empanada da Bandeira vén de decidir os gañadores do seu concurso de carteis, que recibiu máis dun cento de traballos dos catro centros educativos do municipio. Xabier Tato Pereiras, de 16 anos e alumno do IES Pintor Colmeiro, e Hugo Senín Veal, de 7 anos do Colexio Plurilingüe María Inmaculada, presentaron as obras gañadoras.

Na Empanada Somos Máis, que busca fomentar o empadroamento no termo de Silleda, divídese este ano en dúas categorías. Na de ESO e Bacharelato completan o podio Lorena González Cartimil, de 14 anos, e Iria Moreira Suárez, de 17, ambas do instituto de Silleda. Na de Infantil e Primaria foi segunda Naiara Fernández González, de 12 anos (CEIP Plurilingüe de Silleda), e terceira, Sandra Iglesias González, de 9 (CEIP Ramón de Valenzuela).

Os premios entregaranse o 24 de agosto, durante a celebración da 45ª Festa da Empanada. Os seis galardoados recibirán trofeo, medalla e merchandising das festas da Bandeira e os dous primeiros, a maiores, tablets valoradas en 100 euros.