A comarca dezá figura nas rutas que organiza este ano a Asociación Camiños a Santiago pola Ribeira Sacra, con motivo do 20º aniversario da súa posta en marcha. O colectivo cubrirá o 28 de abril o tramo entre Chantada e Rodeiro, cunha visita ao pazo e igrexa de Camba. O 27 de outubro realiza a etapa de Rodeiro a Lalín, con parada no museo Ramón Aller, e o 10 de novembro farán a de Lalín-Ponte Ulla, onde visitará o pazo de Santa Cruz.