Carlos Labraña, de Cedeira, gaña o Premio Estornela cunha triloxía
O estradense Xosé Luna Sanmartín obtén unha mención especial
xan salgueiro - Vila de Cruces
Carlos Labraña Barrero é o gañador da sexta edición do Premio Estornela de Teatro para Nenos, convocado pola Fundación Xosé Neira Vilas, de Gres (Vila de Cruces). O xurado decantouse pola súa triloxía Teatro de xoguete, que comprende as obras: A procura das andavías xigantes, Os xoguetes esquecidos e Voa, voa, papaventos. Son tres pezas independentes, co denominador común de estaren protagonizadas por xoguetes. Tamén obtivo unha mención especial o autor e editor estradense Xosé Luna Sanmartín, polo seu traballo "Tulipáns vermellos", que aborda a polémica da utilización de velos islámicos por parte das rapazas.
O xurado que decidiu o resultado do concurso na noite do xoves estivo formado polo propio Xosé Neira Vilas e os membros da fundación Valentín García e Juan Andrés Fernández. Concurriron un total de 18 traballos. O gañador recibirá un premio en metálico de 1.000 euros e verá publicada a súa obra por Ediciós do Castro, como vén sendo costume nesta convocatoria, que se alterna con periocidade bienal coa do Premio Arume de Poesía para Nenos. A entrega dos galardóns terá lugar o vindeiro día 19 de decembro na sede da fundación en Gres. Ao acto, previsto para as 17 horas, está convidado o secretario xeral de Política Lingüística da Xunta de Galicia, Anxo Lorenzo.
Nacido en Cedeira en 1969, Carlos Labraña vense dedicando ao teatro infantil desde moi novo. De feito é socio fundador, en 1987, do Colectivo Garola, de Cedeira, dedicado á creación e difusión do teatro infantil, e codirector da colección dramática A Biblioteca Ambulante da Garola. Aínda que pensou en dedicarse profesionalmente ao teatro –mesmo chegou a facer unha proba para a Escuela de Arte Dramático de Madrid–, finalmente optou por facer valer os seus estudios de arquitectura técnica e actualmente exerce como aparellador na Xunta de Galicia. Como autor exclusivo de teatro infantil ten gañado o concurso Xeración Nós coas obras O segredo de Daniel e A escada en 1988 e 1994, ano este último no que tamén foi finalista con O teatro dos soños. Onte mostrábase "moi contento" coa consecución do Estornela, despois de terse presentado nas súas cinco edicións anteriores: "É un premio moi especial, porque se basea en facer teatro para que o representen os nenos, non só para que o vexan", declaraba.
- De ganar el bote de Pasapalabra a ocupar un alto cargo en el Ministerio de Interior
- No era Carlo Costanzia: el miembro de la familia Campos que podría fichar por 'Supervivientes 2025
- Portugal lanza una alerta por lluvia, viento e inundaciones que llega a Galicia
- Retiran la incapacidad absoluta a un operario del Náutico de Vigo con mieloma: «Puede trabajar en ambientes sin contaminación»
- Aparece muerto flotando en el muelle de Aldán
- Vigo desvela las fechas de la Fiesta de la Reconquista 2025
- La «maravilla natural» que National Geographic recomienda visitar en 2025 está en Vigo: «Parece sacado de un cuento»
- Un buque de Grimaldi pide asistencia entrando en Vigo al quedarse sin motor frente a Monteferro