Como é tradición nestas datas, o Instituto de Estudos Miñoráns réndelle homenaxe a Manuel Aballe Domínguez, Feliciano Antonio Pérez Pérez, Elías Alejandro Gonda Alonso "O Ghonda", Manuel Francisco Lijó Pérez "O Lijó", Modesto Fernández Rodríguez "O Rei Chiquito", Fidel Leyenda Rodríguez, José Rodríguez González, Manuel Barbosa Durán e Generoso Valverde Iglesias. Son os veciños de Panxón e de Baiona asasinados na curva coñeecida desde aquela fatídica madrugada do 16 de outubro de 1936 como Volta dos Nove. Alí e nos cemiterios de Sabarís e de Baiona fará hoxe unhas ofrendas florais sen público por mor das limitacións da pandemia. Os membros da entidade grabarán imaxes que compartirán a través da web e das redes sociais.
