05 de abril de 2020
05.04.2020
Faro de Vigo
cartas al director

Sementeira

05.04.2020 | 01:59
Sementeira

Sementar, sementarei, loguiño de clarear...

Así comeza a cantiga A sementeira, de Fuxan os Ventos. E é tempo de sementeira. As persoas que viven no campo saben moito disto.

Sementar, segundo o dicionario ten varias acepcións: "esparexer as sementes na terra preparada para recibilas", "provocar, orixinar, dar motivo a unha cousa", "preparar ou facer algo para que produza o seu proveito ou froito" e algunhas máis.

Nestes días de recollemento na casa penso nesta palabra: "sementeira". Non sei se será porque eu nacín nunha aldea pequeniña e recordo esta época do ano con moita ledicia: a xente no campo preparando a terra, axudándose uns aos outros, compartindo os aparellos e as tarefas agrícolas, as árbores agromando para despois dar froito, os paxaros cos seus cantos, as flores vestindo o campo de cores? unha época ben fermosa!

E penso, e reflexiono, e pregúntome: que sementamos ao longo das nosas vidas?, que podemos seguir sementando para nós e para os demais? Cadaquén terá as súas propias respostas.

Eu déixovos estas palabras, a modo de sementes, para que oxalá se convertan en froito:

Agradecemento, sorriso, ledicia, compañeirismo, xenerosidade, solidariedade, oración, fe, esperanza, caridade, confianza, educación, respecto, ilusión, amizade, amor, alento, perdón, tenrura, paz, vida.

Moito ánimo e moita forza para todas e todos os que estades sufrindo nestes momentos difíciles e críticos.

E grazas, grazas de corazón, a todas e a todos os que nestes días estades nos hospitais, intentando sementar co voso esforzo e o voso traballo todo isto e moito máis.

E remato con esta estrofa da cantiga:

"Un cantar de redención,/ un vello e novo cantar,/ que troque a desolación/ nun limpo e claro alborexar".

Compartir en Twitter
Compartir en Facebook
S.P.
Lo malo del embrollo que ha montado la Xunta con la sede de la fundación...
MANUEL BRAGADO
Vigo contou cun gran teatro en 1832. Foi o que na Princesa inaugurou o rico comerciante Velázquez Moreno...
 

Calendario laboral y escolar 2019/2020

Calendario laboral 2019 en Galicia

Calendario Laboral 2020 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2019/2020 .