04 de marzo de 2020
04.03.2020

Malos tempos para a música

04.03.2020 | 00:52

Nestes días que tanto se fala do incumprimento por parte do Estado das súas obrigas coa Comunidade Autónoma, que ao señor presidente da Xunta lle escoitamos dicir que a Administración do Estado ten que dar exemplo aos cidadáns e asumir os seus compromisos pagando o IVE que nos corresponde; non podo deixar de pensar na nosa orquestra, a Orquestra Sinfónica de Galicia. E digo nosa porque é un orgullo para todos os galegos e galegas ter en Galicia unha orquestra sinfónica de primeiro nivel non só en España senón tamén no estranxeiro. Seguro que moitos dos que amades a música e admirades á OSG xa imaxinades do que estou a falar. Para os que non o saibades, hoxe a orquestra está pasando por un momento crítico por mor, entre outras cousas, do incumprimento pola Xunta de Galicia do compromiso económico adquirido co Consorcio que a xestiona.

Concretamente a Xunta acumula dende o 2010 unha débeda con esta institución que ronda os cinco millóns de euros, o que pon en serio perigo a continuidade de moitos dos proxectos que xiran ao seu redor e que afectan directamente aos nosos mozos e cativos.

Agora falo como nai dunha nena que forma parte de Sonfuturo, marabilloso proxecto que dende hai case dez anos está a formar a nenos e mozos de toda Galicia nas distintas agrupacións que o compoñen: Orquestra de Nenos, Orquestra Xove, Coro de nenos e Coro Xove. Realmente son o futuro da nosa música, sen desmerecer outras moitas actividades e proxectos que con moitas dificultades están nacendo por toda a comunidade e que tamén deberían contar co apoio das distintas administracións.

Agora que se achegan as eleccións autonómicas é un bo momento para reivindicar que os nosos políticos se comprometan de verdade coa cultura e asuman a súa responsabilidade para que iniciativas como estas e institucións do prestixio da Sinfónica reciban como mínimo os fondos públicos que legalmente lle corresponden.

Compartir en Twitter
Compartir en Facebook
S.P.
Lo malo del embrollo que ha montado la Xunta con la sede de la fundación...
MANUEL BRAGADO
Vigo contou cun gran teatro en 1832. Foi o que na Princesa inaugurou o rico comerciante Velázquez Moreno...
 

Calendario laboral y escolar 2019/2020

Calendario laboral 2019 en Galicia

Calendario Laboral 2020 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2019/2020 .